Havay adalarında meşə yanğınlarında ölənlərin sayı 36-ya çatıb

Havay adalarındakı meşə yanğınlarında 30-dan çox insan həyatını itirib.

"Operativ Məlumat Mərkəzi-OMM" xəbər verir ki, bu barədə “Hawaii News Now” məlumat yayıb.

Qeyd olunub ki, güclü yanğınlar Havay adalarındakı ən məşhur turistik zona olan Lahaina şəhəri də daxil olmaqla, bir çox yaşayış məntəqələrini məhv edib.

Son məlumatlara əsasən, meşə yanğınları nəticəsində 36 nəfər ölüb, onlarla insan xəsarət alıb, bəzilərinin vəziyyəti ağırdır.