"Google" 20 min nigeriyalıya təlim keçəcək

Google, "Mind the Gap" proqramı çərçivəsində Nigeriyada 20 min gənc və qadına rəqəmsal təhsil verəcək.

"Operativ Məlumat Mərkəzi-OMM" xarici KİV-ə istinadən xəbər verir ki, bu haqda Nigeriya rəsmiləri məlumat verib.

Belə ki, Nigeriyanın vitse-prezidenti Kaşim Şettima və "Google"un Afrikadakı rəsmiləri paytaxt Abucada bir araya gəlib.

Görüş əsnasında, "Google"un Qərbi Afrika direktoru Çarlz Murito şirkətin yeni start verdiyi "Mind the Gap" proqramı çərçivəsində gənclərə və qadınlara rəqəmsal təhsil veriləcəyini bildirib.

Proqramda nigeriyalılara süni intellekt, rəqəmsal inkişaf və mobil proqramlar kimi müxtəlif sahələrdə təlimlərin veriləcəyi bildirilib. Murito, həmçinin Nigeriya hökumətinə ölkədə 1 milyon rəqəmsal iş yeri yaratmaqda kömək edəcəyini vurğulayıb.