Fransa İsrailin Qəzzada qeyri-qanuni yaşayış məskənlərinin yaradılması ilə bağlı bəyanatlarını pisləyir

Fransa Beynəlxalq Ədalət Məhkəməsində keçirilən iclasda İsrail rəsmilərinin Qəzzada qeyri-qanuni məskunlaşmaların salınması və Fələstin əhalisinin çıxarılması ilə bağlı açıqlamalarını pisləyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Hollandiyanın inzibati paytaxtı Haaqa Sülh Sarayında fəaliyyət göstərən BƏM-də İsrailin işğal olunmuş Fələstin ərazilərində tətbiq etdiyi əməllərin hüquqi nəticələri ilə bağlı dinləmələr davam edir.

Dinləmələrdə Fransa adından çıxış edən Xarici İşlər Nazirliyinin Hüquq Məsələləri üzrə Direktoru Dieqo Kolas ölkəsinin 1967-ci il sərhədlərinə əsaslanan iki dövlətli həll yolunu dəstəklədiyini vurğulayaraq, sülhün bərpasına çağırdıqlarını bildirib.