ABŞ-də Fələstinə dəstək nümayişlərinə qatılan Kornell Universitetinin tələbəsi Momodou Taal həbs olunmaq qorxusu və təhlükəsizliyinə təhdidlər səbəbilə öz istəyi ilə ölkəni tərk edəcəyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
O, "X" sosial media hesabındakı paylaşımında yazıb: "Bu gün ABŞ-ni azad və başımı dik tərk etmək qərarına gəldim. Küçədə qaçırılmadan gedə biləcəyimə inamımı itirdim. ABŞ-də baş verənləri nəzərə alaraq, mənə qarşı müsbət məhkəmə qərarının mənim təhlükəsizliyimi və inanclarımı ifadə etmək qabiliyyətimi təmin edəcəyinə inanmıram".
