Tehran İranın nüvə proqramı ilə bağlı Vaşinqtonla danışıqlara hörmətlə yanaşmaq şərti ilə yenidən başlamağa hazırdır.
"Operativ Məlumat Mərkəzi-OMM" xəbər verir ki, bu sözləri İranın xarici işlər naziri Abbas Əraqçi deyib.
"Diplomatiyadan imtina edən İran deyil, danışıqlar zamanı həmişə öz iradələrini tətbiq etməyə çalışan Amerika və Qərb ölkələridir. Diplomatiya hələ də mövcud olmaq hüququna malikdir və mübahisələrin həlli üçün əsas vasitə olaraq qalır, lakin onun standartlarına, qaydalarına və prinsiplərinə hörmət edilməlidir", - nazir bildirib.
O əlavə edib ki, İran xalqı ilə ləyaqət və hörmət dili ilə danışsalar, eyni dildə cavab alacaqlar: "Əvvəllər ABŞ və İran beş raund danışıqlar aparıb, lakin ABŞ-nin dəstəklədiyi İsrailin İranın nüvə obyektlərinə hücumları səbəbindən proses yarımçıq qalıb".
