Dəməşq Daxili Təhlükəsizlik bölmələri Baş Kəşfiyyat İdarəsi beynəlxalq koalisiya qüvvələri ilə birlikdə Əl-Muadamiyyə şəhərində əməliyyat keçiriblər.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, əməliyyat nəticəsində bir İŞİD lideri və onun silahdaşları saxlanılıb.
Saxlanılan şəxs Dəməşqdəki terror təşkilatının lideri Taha əl-Zubidir.
Onun üzərində partlayıcı qurğular və silahlar tapılıb.
Daha əvvəl Suriya Xarici İşlər Nazirliyi Suriyanın İŞİD-lə mübarizə aparmaq və onun Suriyadakı təhlükəsiz sığınacaqlarını ləğv etmək öhdəliyini bəyan etmişdi.
