Çində torpaq sürüşməsi nəticəsində ölənlərin sayı 20-yə çatıb

Çin xilasetmə qrupları Çinin cənub-qərbindəki Yunnan əyalətində baş verən torpaq sürüşmə nəticəsində ölən 20 nəfərin cəsədini dağıntılar altından çıxarıblar.

"Operativ Məlumat Mərkəzi-OMM" xəbər verir ki, bu barədə Çin Mərkəzi Televiziyası məlumat yayıb.

İtkin düşən 24 nəfərin axtarışları davam edir. Xilasetmə işlərinə 1000-dən çox təcili yardım işçisi və 150 ​​xüsusi texnika (ekskavator, buldozer və yük maşınları) cəlb olunub.

Səlahiyyətlilər itkin düşənlərin axtarışı və xilas edilməsi üçün bir çox qurumu səfərbər edib.

Təbii fəlakət zonasından 918 nəfər təxliyə edilib.