İsraildə Nazirlər Kabineti Qəzzaya hücumların yenidən başlaması ilə hökumətə qayıdan ifrat sağçı Yəhudi Güc Partiyasının lideri İtamar Ben-Qvirin yenidən Milli Təhlükəsizlik Naziri təyin edilməsini təsdiqləyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, İsrailin baş prokuroru Qali-Baharav-Miaranın Ben-Qvirin yenidən nazir təyin edilə bilməyəcəyi ilə bağlı xəbərdarlıqlarına baxmayaraq, Ben-Qvir nazirliyə qayıdır.
Bu gün İsrail Parlamentində (Knesset) keçiriləcək səsvermə ilə Yəhudi Gücü Partiyasının lideri Ben-Qvir, eləcə də onunla birlikdə ayrılan Yitzhak Vasserlaufun Negev və Qaliley İnkişaf Nazirliyinə, Amichai Eliyahunun İrs Nazirliyinə dönəcəyi gözlənilir.
