“Monako” klubunun gənc yarımmüdafiəçisi Maqnes Akliuş karyerasını Almaniya Bundesliqasında davam etdirə bilər.
"Operativ Məlumat Mərkəzi-OMM" xəbər verir ki, bu barədə məşhur idman insayderi Florian Plettenberq sosial şəbəkə hesabında məlumat verib.
Jurnalistin məlumatına görə, 23 yaşlı fransalı cinah oyunçusu ilə Leverkuzen təmsilçisi “Bayer” maraqlanır.
Klubun yeni baş məşqçisi Erik ten Haq artıq bu transferə yaşıl işıq yandırıb və rəhbərliyə futbolçunun alınmasını tövsiyə edib.
Transferin maliyyə dəyəri 50 milyon avro olaraq qiymətləndirilir. Əgər bu transfer baş tutarsa, Akliuş Bundesliqanın yay fasiləsindəki ən bahalı keçidlərindən birinə imza ata bilər.
Qeyd edək ki, Maqnes Akliuş 2024/25 mövsümündə Fransa Liqa 1-də “Monako” forması ilə 32 oyuna çıxıb, 5 qol vurub və 10 məhsuldar ötürmə ilə yadda qalıb.
