"Yuventus" klubunun 18 yaşlı hücumçusu Kenan Yıldız Londonun "Arsenal" klubunun maraq dairəsinə düşüb.
"Operativ Məlumat Mərkəzi-OMM" "Tuttosport"a istinadən xəbər verir ki, "topçular"ın nümayəndələri gənc oyunçunun transferi ilə bağlı "qoca sinyora" ilə əlaqə saxlayıblar.
İngiltərə klubunun rəhbərliyi hücumçu üçün 40 milyon avro təklif etməyə hazırdır.
İtaliya klubu isə futbolçu üçün ən azı 80 milyon avro istəyir.
Bu mövsüm Kenan bütün turnirlərdə 24 matçda iştirak edib. Yıldızın hesabında 5 qol və 1 məhsuldar ötürmə var.
Onun "Yuventus"la müqaviləsi 2027-ci ilin yayına qədər nəzərdə tutulub.
