Afət Ziyadqızı
Almaniyanın ''Eurofighter'' qırıcıları sentyabrın 13-də Rumıniyanın hava məkanını pozan pilotsuz təyyarə ilə əlaqədar hazırlıq vəziyyətinə gətirilib.
"Operativ Məlumat Mərkəzi-OMM" xəbər verir ki, bu barədə Almaniya Müdafiə Nazirliyinin rəsmi nümayəndəsi Mitko Müller bildirib.
O qeyd edib ki, pilotsuz təyyarə aşkarlanan zaman qırıcılar döyüşə girməsələr də, vəziyyət NATO-nun şərq cinahda hava hücumundan müdafiə sisteminin işlədiyini göstərib. Müllerin sözlərinə görə, hazırda Rumıniya ərazisində ''Eurofighters'' kontingenti var və onlar 2026-cı ilin martına qədər orada qalacaqlar.
