Afət Ziyadqızı
Yerli əhalinin cənuba doğru hərəkət etdiyi bir vaxtda Qəzza zolağında atəşkəs Fələstin HƏMAS hərəkatının güc qazanmasına imkan verəcək ki, bu da İsrail üçün strateji məğlubiyyət ola bilər.
"Operativ Məlumat Mərkəzi-OMM" xəbər verir ki, bu barədə Amerikanın “Wall Street Journal” qəzeti yazıb.
İki milyona yaxın köçkün dinc sakin Qəzza şahmat taxtasında getdikcə daha az meydanlara sıxışdırılır. Həmas onlarla birlikdə hərəkət edə bilər. Nəşr qeyd edib ki, bu proses dinc sakinləri xilas edəcək, eyni zamanda HƏMAS-ın sağ qalmasına və yenidən qurulmasına imkan verəcək atəşkəslə nəticələnə bilər ki, bu da İsrail üçün strateji məğlubiyyət olacaq.
Digər tərəfdən, hadisələrin bu cür inkişafının, əksinə, bölgənin “şimalında olandan daha böyük qan gölünə” səbəb ola biləcəyi bildirilib.
Nəşr xatırladır ki, silahlı qüvvələr “qaçmağa yeri olmayan köçkün Fələstin əhalisinə” yaxınlaşdıqca “İsrailin cənubda irəliləməsi dayanıb”.
