ABŞ-nin keçmiş prezidenti Barak Obamanın xarici siyasət üzrə müşaviri Çarlz Kupçan deyib ki, ABŞ artıq öz iradəsini başqa ölkələrə sırımaq iqtidarında deyil.
"Operativ Məlumat Mərkəzi-OMM" xəbər verir ki, bununla bağlı The New York Times məlumat yayıb.
Kupçan qeyd edib ki, məsələ təkcə Trampın Rusiya prezidenti Vladimir Putinlə görüşə hazır olmaması deyil . Həm də dünya dəyişib. ABŞ artıq nəzarətsiz öz iradəsini tətbiq edə bilməz", - nəşr yazır.
Kupçanın sözlərinə görə, Rusiya Çin , Hindistan və Türkiyə kimi digər ölkələrin dəstəyinə arxalanaraq Qərbə müqavimət göstərmək imkanına malikdir. Bu ölkələr Rusiya neftini alır və Moskvaya Qərb sanksiyalarından yan keçməyə kömək edir.
Sabiq müşavir vurğulayıb ki, ABŞ-nin təsirinin zəifləməsi hakimiyyətin dağılması və Qərbin nisbi iqtisadi tənəzzülü, eləcə də Qərb ölkələrindəki qaynar siyasi döyüşlərlə bağlıdır.
