Hazırda ABŞ-də səfərdə olan Volodimir Zelenski Ukraynada neft, qaz və atom enerjisi sahəsində layihələrə Amerika və beynəlxalq enerji şirkətlərini cəlb etmək istəyir.
"Operativ Məlumat Mərkəzi-OMM" xəbər verir ki, bu barədə onun mətbuat xidməti məlumat yayıb.
"Neft, qaz və atom enerjisi üzrə təşəbbüsləri müzakirə etdik. Söhbət yalnız artıq həyata keçirilən layihələrdən deyil, həm də planlaşdırılan layihələrdən gedirdi", – Zelenski bildirib.
Qeyd olunur ki, Zelenski bu çərçivədə "Bechtel", "Fluence Energy", "GE Vernova", "Holtec International", "Invenergy", "Jacobs", "Mercuria", "Parsons", "TechMet USA", "Venture Global" və "Westinghouse Electric Company" şirkətlərinin nümayəndələri ilə görüşüb.
