Qərb dövlətlərinin Azərbaycan-Ermənistan münasibətlərinin normallaşması prosesində iştirakı münasibətlərin daha da gərginləşməsinə gətirib çıxarır.
"Operativ Məlumat Mərkəzi-OMM" xəbər verir ki, bu barədə Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə bildirib.
Zaxarova Fransanın Avropa və xarici işlər naziri Katrin Kolonnanın Cənubi Qafqaz ölkələrinə başlayan səfərini şərh edərək əlavə edib ki, Qərb dövlətləri həmişə Azərbaycan-Ermənistan münasibətlərinin normallaşmasında iştirak etdiklərini bəyan edir.
"Lakin biz görürük ki, onların bu istiqamətdə fəaliyyəti konstruktiv deyil", o deyib.
