ABŞ-də siyasətçilərə qarşı snayper tüfəngi ilə həyata keçirilən sui-qəsd cəhdləri ölkə tarixində “qara ləkə” kimi qalır.
"Operativ Məlumat Mərkəzi-OMM" xəbər verir ki, bu fikri Rusiya Xarici İşlər Nazirliyinin rəsmi nümayəndəsi Mariya Zaxarova Sputnik radiosuna açıqlamasında bildirib.
Zaxarova amerikalı mühafizəkar fəal Çarli Kirkin hücuma məruz qalmasını şərh edərkən ABŞ tarixində analoji halların çox olduğunu xatırladıb:
“ABŞ-da bir çox siyasi xadim, o cümlədən prezidentlər damdakı snayperlər tərəfindən öldürülüb”, – deyə Zaxarova qeyd edib.
O əlavə edib ki, snayperlərin hündür binalardan və damlardan atəş açması artıq ABŞ-də tanış bir ssenaridir.
