Yaponiyanın şimalındakı Sapporo şəhərinin mərkəzindəki binada partlayış baş verib.
"Operativ Məlumat Mərkəzi-OMM" xəbər verir ki, bu barədə Yaponiya ictimai televiziyası məlumat yayıb.
Televiziyanın məlumatına görə, partlayış yanğınla müşayiət olunub.
Xilasetmə xidmətlərinin məlumatına görə, azı 3 nəfər xəsarət alıb, daha bir nəfər ağır və huşsuz vəziyyətdə xəstəxanaya yerləşdirilib.
Hadisə yerində 20-yə yaxın yanğınsöndürən briqadası cəlb olunub.
Hadisə barədə araşdırılma aparılır.
