Afət Ziyadqızı
Venesuela aqressiya fonunda müdafiə qabiliyyətini və milli birliyini gücləndirir.
"Operativ Məlumat Mərkəzi-OMM" xəbər verir ki, bunu Venesuela prezidenti Nikolas Maduro bildirib.
“Bu gün, 20 günlük fasiləsiz mühasirədən sonra biz dünənkindən daha güclüyük; ölkə daxilində və bütün dünyada daha çox dəstəyə sahibik”, - o, xüsusi əməliyyat təlimi zamanı kursantlara müraciətində bildirib.
Maduronun sözlərinə görə, “imperialist Qrinqolar Venesuelanın sərvətlərini ələ keçirməyə, onu müstəmləkəyə çevirməyə və parçalamağa çalışırlar, lakin heç vaxt buna nail ola bilməyəcəklər”.
Maduro ölkə xalqını avqustun 29-30-da keçiriləcək ehtiyatda olan ordu qüvvələrinin və milis üzvlərinin səfərbərliyinin ikinci raundunda fəal iştirak etməyə çağırıb.
Qeyd edək ki, Maduro BMT-nin baş katibi Antonio Quterreşi ABŞ hökumətinin Venesuelaya qarşı düşmənçilik fəaliyyətinə son qoymağa və ölkənin ərazi bütövlüyü və suverenliyinin təmin edilməsinə töhfə verməyə çağırıb.
