34 Səfərbərlik Xidməti əməkdaşı korrupsiyaya görə ifşa edildi

Səfərbərlik və Hərbi Xidmətə Çağırış üzrə Dövlət Xidmətində qeydə alınan qanunsuz hərəkətlər və vəzifə səlahiyyətlərindən sui-istifadə halları ilə bağlı 34 nəfər barəsində toplanan materiallar prosessual qərar qəbul edilməsi üçün Baş Prokurorluğa göndərilib.

“Operativ Məlumat Mərkəzi-OMM” xəbər verir ki, bu faktlar Dövlət Xidmətinin korrupsiya ilə mübarizəyə dair 2026-cı ilin I rübünü əks etdirən statistik məlumatlarında öz əksini tapıb.

Bildirilib ki, əməkdaşların qeyri-qanuni hərəkətləri ilə əlaqədar 2026-cı ilin birinci rübü ərzində aşağıdakı tədbirlər həyata keçirilib:

• 27 əməkdaş (onlardan 17-si rəhbər heyət olmaqla) barəsində intizam tənbehi və təşkilati-ştat tədbirləri görülüb.
• 1 əməkdaş mənfi əsaslarla ehtiyata buraxılıb.
• 16 fakt üzrə 34 nəfər barəsində toplanan materiallar müvafiq qərar qəbul edilməsi üçün Baş Prokurorluğa yönəldilib.