Ukraynanın xarici işlər naziri Dmitri Kuleba xəbərdarlıq edib ki, “Ukrayna ilə pis rəftar edən” ölkələr müharibə bitdikdən sonra cavab verəcəklər.
"Operativ Məlumat Mərkəzi-OMM" xarici KİV-ə istinadən xəbər verir ki, o, Rusiyanın genişmiqyaslı işğalından sonra hər bir xalqın etdiyi seçimin "gələcək münasibətlərin qurulmasında nəzərə alınacağını" söyləyib.
O, Qərbin silah tədarükünün ləngiməsinə münasibət bildirib:
“Bir çatdırılma bir gün təxirə salınırsa, bu o deməkdir ki, kimsə cəbhədə öləcək. Bu Ukraynanın həyatı bahasına başa gələcək. Əgər dünyada hər kəs düşünürsə ki, bu və ya digər ölkənin tarixinin ən qaranlıq anında Ukraynaya münasibəti gələcək münasibətlərin qurulmasında nəzərə alınmayacaq, bu insanlar diplomatiyanın necə işlədiyini bilmirlər”,- deyə Dmitri Kuleba söyləyib.
