Afət Ziyadqızı
Ukrayna prezidenti Vladimir Zelenski ABŞ-nin müdafiə naziri Lloyd Ostin ilə Rusiya ərazisinin dərinliklərindəki hərbi hədəflərə uzaqmənzilli silahlarla zərbə endirmək imkanını müzakirə etdiyini bildirib.
"Operativ Məlumat Mərkəzi-OMM" xəbər verir ki, bu barədə Zelenski Teleqram kanalında məlumat yayıb.
Ukrayna prezidenti Amerika müdafiə departamentinin rəhbəri ilə ölkənin hava hücumundan müdafiə imkanlarını, eləcə də qış dövrünə hazırlığı müzakirə edib.
Zelenski Vaşinqtona Ukraynaya yeni hərbi yardım paketi təqdim etdiyinə görə minnətdarlığını bildirib.
