ABŞ əmindir ki, Ukraynaya silah verilməsi, eləcə də hərbçilərin təlimi “döyüş meydanındakı dinamikanı dəyişəcək”.
"Operativ Məlumat Mərkəzi-OMM" xəbər verir ki, bu barədə ABŞ-nin müdafiə naziri Lloyd Ostin CNN telekanalına müsahibəsində deyib.
O qeyd edib ki, biz bir neçə mexanikləşdirilmiş piyada briqadasını hazırlayır və təchiz edirik - bunlar kifayət qədər ciddi imkanlardır.
Ostinin sözlərinə görə, Ukraynaya əlavə artilleriya da göndərilir.
"Buna görə də onlar Rusiyanın müdafiə və manevrlərini yarmağa qadir olacaqlar və düşünürəm ki, bu, fərqli dinamika yaradacaq. Ukrayna əməliyyatlar aparmağa və suveren ərazilərini geri almaq üçün səy göstərməyə davam etdikcə, biz onların yanında olacağıq”.
