Rusiya və Ukrayna arasında müharibənin başa çatması üçün sülh diplomatiyası həyata keçirən Türkiyə hər iki ölkədəki əsir düşərgələrində yoxlama aparacaq.
"Operativ Məlumat Mərkəzi-OMM" xəbər verir ki, bu barədə “Sabah” qəzeti məlumat yayıb.
Bildirilib ki, Türkiyənin baş ombudsmanı Şeref Malkoçun rəhbərlik etdiyi nümayəndə heyəti bu həftə ilk olaraq Ukraynadakı əsir düşərgələrinə baxış keçirəcək. Sonra isə analoji işlər Rusiyada aparılacaq.
Ş.Malkoç Rusiyada baş verən terror hadisəsi ilə bağlı danışarkən hücumu sülh istəməyənlərin işi olduğunu deyib: “Hər dəfə Rusiya ilə Ukrayna arasında sülh mühiti yarananda insident baş verir. Bizim işimiz kimsəsiz uşaqların və əsirlərin ailələrinə qovuşmasını əhatə edən “humanitar dəhlizi” üçün mühüm addım olacaq”.
