Türkiyə-Azərbaycan Universitetində (TAU) plan yerlərinin artırılması nəzərdə tutulub.
"Operativ Məlumat Mərkəzi-OMM" xəbər verir ki, bu barədə Modern.az-a Universitetin mətbuat katibi Sevinc İsgəndərova məlumat verib.
O bildirib ki, hazırda Türkiyə-Azərbaycan Universitetində 3 ixtisas üzrə 83 tələbə təhsil alır: "Növbəti ildən əlavə olaraq 150 tələbənin də qəbulu planlaşdırılır".
Açıqlamada deyilir ki, hazırda ali təhsil müəssisəsində oxuyan tələbələrin hamısı Azərbaycan vətəndaşlarıdır. “Türkiyəli tələbələrin TAU-ya qəbulu ilə bağlı hər hansı qərar olduqda ictimaiyyətə açıqlanacaq”, - mətbuat katibi deyib.
Xatırladaq ki, 2024-2025-ci tədris ilində Türkiyə-Azərbaycan Universitetinə 90 plan yeri ayrılıb, qəbul imtahanlarında uğur qazanan 83 nəfər 3 ixtisas üzrə ( Kompüter mühəndisliyi, Qida mühəndisliyi və Sənaye mühəndisliyi) sözügedən ali təhsil ocağını seçib.
