ABŞ-də Prezident Donald Tramp administrasiyası iqlimə uyğun layihələr üçün nəzərdə tutulan 3 milyard dollara yaxın qrant proqramlarını ləğv etdiyini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ Kənd Təsərrüfatı Nazirliyi tərəfindən edilən açıqlamada, keçmiş prezident Co Bayden dövründə başladılan iqlim dostu proqramının ləğv edildiyi bildirilib.
Bəyanatda 3 milyard dollara yaxın proqram çərçivəsində maliyyələşdirilən layihələrin əksəriyyətinin “çox baha başa gəldiyi və bu vəsaitlərin yarısından azının fermerlərə getdiyi” iddia edilir.
Kənd Təsərrüfatı Katibi Brooke Rollins də Bayden administrasiyasının bu proqramının fermerlər üçün yaradılmadığını deyib.
Trump administrasiyasının ləğv etdiyi proqram, eroziyaya mane olan bitkilərin əkilməsi və kənd təsərrüfatının ətraf mühitə təsirlərini minimuma endirmək üçün bitki qidalarını idarə etmək kimi layihələri dəstəkləyib.
