Qazaxıstan Prezidenti Kasım-Jomart Tokayev aprelin 15-də Ermənistana səfər edəcək.
"Operativ Məlumat Mərkəzi-OMM" xəbər verir ki, bu barədə Qazaxıstan liderinin mətbuat xidməti məlumat verib.
"Aprelin 15-də Prezident Kasım-Jomart Tokayev Ermənistan Respublikasına bir günlük rəsmi səfər edəcək və baş nazir Nikol Paşinyan və Prezident Vaaqn Xaçaturyanla danışıqlar aparacaq", - deyə məlumatda deyilir.
Səfər proqramı başa çatdıqdan sonra Tokayev İrəvandan Qazaxıstanın daşqın zonasında yerləşən bölgələrindən birinə uçacaq.
