"Bayraktar TB3" pilotsuz təyyarələrinin ən son versiyaları ilə təchiz edilən "TCG Anadolu" desant gəmisi son 3 gündə 38 234 nəfər tərəfindən ziyarət edilib.
"Operativ Məlumat Mərkəzi-OMM" xəbər verir ki, bu barədə Türkiyə KİV məlumat yayıb.
Qeyd olunub ki, birinci gün gəmini 8 min 720 nəfər, ikinci gün 14 min 251 nəfər, üçüncü gün isə 15 min 263 nəfər vətəndaş ziyarət edib.
Xatırladaq ki, “TCG Anadolu” aprelin 10-da istifadəyə verilib. Layihənin icrasına 2016-cı ildən başlanılıb. Gəmi 2019-cu ilin mayında suya buraxılıb və 2022-ci ilin iyun ayından etibarən onun sınaqları həyata keçirilib.
