Afət Ziyadqızı
Taylandın Xarici İşlər Nazirliyi Kamboca ilə diplomatik əlaqələrin səviyyəsinin aşağı salındığını elan edib və hücumların davam edəcəyi təqdirdə özünümüdafiə tədbirlərini gücləndirməklə hədələyib.
"Operativ Məlumat Mərkəzi-OMM" xəbər verir ki, bu barədə Taylandın Xarici İşlər Nazirliyinin rəsmi bəyanatında deyilir.
Diplomatlar xəbərdarlıq ediblər ki, “Kral Tayland Hökuməti Kamboca silahlı hücumlarını və Taylandın suverenliyini pozmağa davam edərsə, beynəlxalq hüququn norma və prinsiplərinə uyğun olaraq özünümüdafiə tədbirlərini gücləndirməyə hazırdır”.
Məlumata görə, Banqkok öz səfirini Pnom Penhdən geri çağırmaq qərarına gəlib və Kamboca rəhbərliyinə də eyni şeyi etməyi təklif edib.
