Müğənni Nigar Camalın avtomobilinə hücum edən şəxs həbs edilib.
DİN-in mətbuat xidmətindən "Operativ Məlumat Mərkəzi-OMM"-ə verilən məlumata görə, 1999-cu il təvəllüdlü Tacəddin İmanzadə 15 sutka (gün) həbs olunub.
27.02 09:35 ***
Azərbaycanlı müğənni Nigar Camala yolda hücum olunub.
"Operativ Məlumat Mərkəzi-OMM" xəbər verir ki, sənətçi bu barədə sosial media hesabında paylaşım edib.
Onun sözlərinə görə, KİA markalı avtomobili idarə edən şəxs yolunu kəsib. Sonra sürücü avtomobildən enərək müğənniyə yaxınlaşıb. Ondan pəncərəni açmağı tələb edərək avtomobilə zərbələr endirib, güzgünü sındırıb.
Polis əməkdaşlarının keçirdiyi tədbirlərlə həmin şəxs saxlanılıb. Araşdırma aparılır.
