Şuşada, “Xarıbülbül” Beynəlxalq Musiqi Festivalının sonuncu günündə Vasif Adıgözəlovun “Natəvan” operası təqdim olunub.
"Operativ Məlumat Mərkəzi-OMM" xəbər verir ki, Cıdır düzündə ilk dəfə nümayiş olunan əsər Qarabağ xanının qızı, Azərbaycan bədii fikrinin görkəmli siması Xurşidbanu Natəvanın həyat və yaradıcılığına, o dövrdə Qarabağda baş verən ictimai-siyasi hadisələrə işıq tutur.
Səhnədə Azərbaycan Dövlət Akademik Opera və Balet Teatrının artistləri yer alıb, dirijor isə Xalq artisti, opera müəllifinin oğlu Yalçın Adıgözəlov olub.
