Böyük Britaniyanın Baş naziri Rişi Sunak iyulun 4-də növbədənkənar parlament seçkilərinin keçiriləcəyini açıqlayıb.
"Operativ Məlumat Mərkəzi-OMM" "Reuters"ə istinadən xəbər verir ki, Sunak parlamenti buraxmaq və seçki keçirmək üçün kral III Çarlzdan icazə aldığını bildirib.
"İndi Britaniyanın öz gələcəyini seçmək vaxtıdır. Bu gün Əlahəzrət Kral III Çarlz danışığımda ondan parlamentin buraxılmasını xahiş etdim. Kral bu istəyimi yerinə yetirdi və biz iyulun 4-də ümumi seçki keçirəcəyik", - Sunak vurğulayıb.
