Şimali Koreya yeni kəşfiyyat peyki sayəsində Ağ Evin və müxtəlif ABŞ hərbi obyektlərinin fotoşəkillərini əldə etdiyini açıqlayıb.
"Operativ Məlumat Mərkəzi-OMM" xəbər verir ki, bu barədə Şimali Koreyanın KCNA xəbər agentliyi məlumat verib.
"Kim Çen In rəsmi missiyasına başlamaq üzrə olan “Manrikyeong-1” kəşfiyyat peyki üçün əməliyyat hazırlıq layihəsinin uğurlu gedişindən böyük məmnunluğunu ifadə edib", - deyə xəbərdə qeyd olunub.
KCNA həmçinin bildirib ki, peyk Virciniya üzərində olarkən çəkilmiş görüntülərdə ABŞ Hərbi Dəniz Qüvvələrinə aid dörd nüvə təyyarə gəmisi və bir Britaniya təyyarə gəmisinin də fotolarını çəkib.
