Şimali Koreya bu ölkələrdəki səfirliklərini bağlayır

Şimali Koreyanın Honq-Konq və Liviyadakı səfirliklərini bağladığı bildirilib.

"Operativ Məlumat Mərkəzi-OMM" xəbər verir ki, bu barədə "Yonhap" nəşri məlumat yayıb.

Belə ki, Cənubi Koreya Xarici İşlər Nazirliyinin saytında yer alan məlumata görə, son aylar bəzi ölkələrdə səfirliklərin bağlanması ilə bağlı qərarlardan sonra Şimali Koreyanın xarici ölkələrdəki diplomatik nümayəndəliklərinin sayı 53-dən 44-ə enib.

Xatırladaq ki, Şimali Koreya son aylarda Anqola, Uqanda, Banqladeş, Nepal, İspaniya, Seneqal və Qvineyadakı səfirliklərini bağlayıb.