Səudiyyə Ərəbistanının paytaxtı Ər-Riyadda keçirilən Ərəb-İslam sammiti başa çatıb.
"Operativ Məlumat Mərkəzi-OMM" xarici KİV-ə istinadən xəbər verir ki, sammitdə iştirak edən liderlər Fələstin xalqını dəstəklədiklərini bir daha təsdiqləyiblər.
Onlar Qəzzada dərhal atəşkəs və İsrailin Fələstin torpaqlarını qanunsuz işğalına son qoymağa çağırıblar.
Müzakirələrə Səudiyyə Ərəbistanının vəliəhd şahzadəsi Məhəmməd bin Salman ev sahibliyi edib və açılış nitqi zamanı İsrailin Qəzza və Livandakı hərəkətlərini pisləyib.
