Serbiyada 8 nəfəri qətlə yetirməkdə şübhəli bilinən şəxs saxlanılıb

Serbiya polisi 8 nəfərin qətlə yetirilməsi və 13 nəfərin yaralanması ilə nəticələnmiş silahlı hücumu törətməkdə şübhəli bilinən şəxsi saxlayıb.

"Operativ Məlumat Mərkəzi-OMM" xəbər verir ki, bu barədə Serbiyanın dövlət telekanalı “RTS” məlumat yayıb. Bildirilib ki, gecə boyunca yüzlərlə polisin cəlb edildiyi axtarışlar nəticəsində şübhəli şəxs paytaxt Belqraddan təxminən 60 kilometr məsafədəki Kraqujevaç şəhərində saxlanılıb.

Qeyd edək ki, bu, son 2 gün ərzində Serbiyada törədilmiş ikinci kütləvi qırğındır. Mayın 4-də baş vermiş silahlı insident zamanı 13 yaşlı məktəbli oxuduğu məktəbdə 8-i şagird olmaqla 9 nəfəri qətlə yetirib, daha 6 nəfər və bir müəllim isə insident zaman yaralanıb.