Salyan rayonunda yağışlı havada yol qəzaları baş verib, xəsarət alanlar var.
"Operativ Məlumat Mərkəzi-OMM"-in məlumatına görə, hadisə Ələt-Astara magistral yolunun rayonun Yenikənd kənd ərazisindən keçən hissəsində qeydə alınıb.
Belə ki, yol qəzası zamanı Bakı şəhər sakinləri, 1979-cu il təvəllüdlü Kazımov Kərim Dövlət oğlu və onun həyat yoldaşı, 1988-ci il təvəllüdlü Rəhimova Kamalə Arif qızı müxtəlif dərəcəli xəsarətlər alıblar.
Digər yol qəzası isə yeni Ələt-Astara magistral yolunun rayon ərazisindən keçən hissəsində baş verib. Belə ki, yağışlı havada hərəkət edən avtomobil idarəetmədən çıxaraq yolun kənarına aşıb.
Hadisə zamanı Cəlilabad rayonunun Ocaqlı kənd sakini,1985-ci il təvəllüdlü Ağayev Ceyhun Nəbi oğlu yaralanıb.
Baş verən qəzalarda xəsarət alanlar Salyan Mərkəzi Rayon Xəstəxanasına yerləşdirilib.
Hər iki faktla bağlı araşdırma aparılır
