Basketbol üzrə Azərbaycan çempionatının qalibi bəlli olub.
"Operativ Məlumat Mərkəzi-OMM" xəbər verir ki, "Xəzri" və "Sabah" komandaları final seriyasının dördüncü oyununda üz-üzə gəlib. "Sərhədçi" İdman Mərkəzində baş tutan görüş "Sabah"ın qələbəsi ilə yekunlaşıb - 74:69.
Bununla da seriyada 3:1 hesabı ilə qalib gələn "Sabah" ardıcıl ikinci dəfə Azərbaycan çempionu adını qazanıb.
Qeyd edək ki, üçüncü yerin sahibi isə "Xırdalan"ı məğlub edən "NTD-İndiqo" komandası olub.
