Yaponiya ilə dialoqun bərpası Yaponiyanın Rusiyaya qarşı tutduğu düşmənçilik kursuna yenidən baxılmasını nəzərdə tutur. Yaponiyanın düşmən kursu onunla dialoqun bərpasına imkan vermir.
"Operativ Məlumat Mərkəzi-OMM" “TASS”a istinadən xəbər verir ki, bunu Yaponiyanın Sasakava Sülh Fondunun rəhbərliyindən ibarət nümayəndə heyəti ilə görüşü zamanı Rusiya Federasiyasının xarici işlər nazirinin müavini Andrey Rudenko deyib.
O qeyd edib ki, iki ölkə arasında münasibətlər yalnız Tokionun konkret addımlarından sonra əvvəlki səviyyəyə qayıda bilər.
İyunun sonunda Rusiya Xarici İşlər Nazirliyi Yaponiya hakimiyyətinin Rusiya sərhədi yaxınlığında Almaniya və İspaniya ilə birgə hərbi təlimlər keçirmək planları ilə bağlı kəskin etirazını bəyan edib. Müvafiq bəyanat Rusiya Xarici İşlər Nazirliyinin saytında dərc olunub.
