MDB-də həm Ermənistanın, həm də Azərbaycanın Birliyin fəaliyyətində iştiraka maraq göstərdiyi qeyd olunub.
"Operativ Məlumat Mərkəzi-OMM" TASS-a istinadən xəbər verir ki, bunu Rusiya Federasiyasının MDB-nin nizamnamə və digər orqanları yanında daimi nümayəndəsi Andrey Qrozov deyib.
Onun sözlərinə görə, MDB çərçivəsində bütün məsələlər dostluq və qarşılıqlı hörmət şəraitində həll olunmağa çalışılır. “Rusiya tərəfi də həmişə tərəfdaşları konstruktiv əməkdaşlığa ruhlandırmağa çalışır”, – Qrozov bildirib.
Diplomat vurğulayıb ki, dövlətlər istənilən MDB orqanlarının işində iştirak barədə qərarı öz suveren hüquqları əsasında qəbul edirlər. O, Azərbaycanın nümayəndələrinin MDB İqtisadi Şurasının iclasında iştirak etməməsini də bu kontekstdə şərh edib.
