Rusiya XİN Polşa səfirinə konsulluğun bağlanması ilə bağlı nota verib

Polşanın Rusiyadakı səfiri Kşiştof Kraevski Rusiya Xarici İşlər Nazirliyinə (XİN) çağırılıb.

"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyindən bildirilib.

Polşanın Smolenskdəki konsulluğunun bağlanması ilə bağlı nota səfirə təqdim edilib.

Qeyd olunub ki, Polşanın Rusiyaya qarşı yönəlmiş düşmənçilik addımlarının heç biri cavabsız qalmayacaq.

Konsulluğun bağlanmasının dəqiq səbəbi açıqlanmayıb.