Bu gecə Rusiya ordusu Ukraynaya qarşı kütləvi hücum həyata keçirib. Uzun fasilədən sonra ilk dəfə Lvov vilayəti zərbə alıb.
"Operativ Məlumat Mərkəzi-OMM" xəbər verir ki, bu barədə Lvov vilayət hərbi administrasiyasının rəhbəri Maksim Kozitski məlumat verib.
Məlumata görə, Lvov vilayəti Rusiyaya məxsus pilotsuz uçuş aparatları və qanadlı raketlərlə hücuma məruz qalıb.
Kozitskinin sözlərinə görə, hücumun məqsədi Lvov vilayətinin kritik infrastruktur obyektləri olub. İlkin məlumatlara əsasən, xəsarət alan və həlak olan olmayıb. Hadisə yerində aidiyyəti xidmətlər çalışır.
