Afət Ziyadqızı
Rusiya NATO-nun nüvə qarşısının alınmasına dair təlimlərinin gedişatını diqqətlə izləyir.
"Operativ Məlumat Mərkəzi-OMM" xəbər verir ki, bu barədə Rusiya Prezidentinin mətbuat katibi Dmitri Peskov brifinq zamanı jurnalistlərin suallarını cavablandırarkən bildirib.
Peskov qeyd edib ki, Moskva bu cür təlimlərə qarşı tədbirlər görməyə hazırdır:
“Bu cür təlimlər hər zaman hərbçilərimizin diqqət mərkəzindədir və onların plan və niyyətləri diqqətlə təhlil edilir. Müvafiq tədbirlər görülür”, – deyə Kremlin sözçüsü vurğulayıb.
Qeyd edək ki, oktyabrın 13-də NATO alyansa üzv olan 14 ölkənin iştirakı ilə illik nüvə qarşısının alınması üzrə “Sabit Günorta” (Steadfast Noon) adlı təlimə start verdiyini açıqlayıb. Təlimlərə 71 təyyarə və 2000 hərbçi cəlb olunub.
