Afət Ziyadqızı
Respublikaçılar Partiyasının nümayəndələri ABŞ prezidenti Co Bayden administrasiyasını Ukraynaya kifayət qədər yardım göstərmədiyinə görə tənqid edib və qətiyyətli addım atılmasını tələb ediblər.
"Operativ Məlumat Mərkəzi-OMM" xəbər verir ki, Ukraynanın “Ukrinform” nəşrində yazılıb ki, müvafiq sənədi Respublikaçıların sədrlik etdiyi Konqresin Nümayəndələr Palatasının üç komitəsi dərc edib.
Qeyd olunub ki, Xarici Əlaqələr Komitəsinin sədrləri Maykl Makkal, Silahlı Qüvvələr Komitəsi Mayk Rocers və Kəşfiyyat Komitəsi Mayk Törner tərəfindən imzalanan Ukraynada qələbə üçün təklif olunan plan 2023-cü ilin sonunadək hazırlanıb.
Sənədin məqsədi ABŞ və müttəfiqlərinin Ukraynaya dəstəyi ilə bağlı kritik suallara cavab tapmaqdır. Respublikaçılar həmçinin Ukraynanın Rusiyanı məğlub edəcəyi qələbə planının təqdim olunmasını tələb ediblər.
Rusiya və Çin-İran ittifaqı Amerikanın bütün dünyada maraqlarını pozmaq üçün birlikdə çalışır. Sənəddə bildirilir ki, onların məqsədi ABŞ iqtisadiyyatını zəiflətmək, mühüm ittifaqları parçalamaq və yeni totalitar dünya nizamı qurmaqdır.
