Azərbaycanın Rusiyadakı səfiri Rəhman Mustafayev Rusiya tərəfinin Bakı ilə İrəvan arasında sülh prosesinə fəal dəstəyinə görə Rusiya Prezidenti Vladimir Putinə təşəkkür edib.
"Operativ Məlumat Mərkəzi-OMM" xəbər verir ki, səfir bu barədə Birinci Kanalda yayımlanan etimadnamənin təqdimat mərasimində bildirib.
“Rusiya Federasiyasının Prezidenti Vladimir Putinə minnətdarlığımı bildirmək istərdim ki, Rusiya tərəfinin sülh prosesinə fəal dəstəyi var, mən Ermənistanın Rusiya Federasiyasındakı səfiri Qurgen Arsenyanı vəzifəsinin icrasına başlaması münasibətilə təbrik etdim. Ona görə də biz onunla, belə demək mümkünsə, Moskvada konstruktiv münasibətləri davam etdirəcəyik”, - deyə diplomat qeyd edib.
Rusiya prezidenti Vladimir Putin etimadnaməsini təqdimetmə mərasimində bildirib ki, Rusiya Ermənistan-Azərbaycan münasibətlərinin normallaşması və İrəvanla Bakı arasında sülh müqaviləsinin imzalanması üçün hər şeyi edir.
