OMM Redaksiyası
İsrailin ölüm yağdırdığı Qəzzada ölənlərin sayı 36 min 479, yaralıların sayı isə 82 min 777-yə yüksəlib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Fələstin Səhiyyə Nazirliyindən verilən açıqlamada, İsrail əsgərlərinin son 24 saatda həyata keçirdiyi 4 hücumda 40 fələstinlinin öldüyü, 150 fələstinlinin isə yaralandığı bildirilib.
Birləşmiş Millətlər Təşkilatının Fələstinli Qaçqınlara Yardım Agentliyindən (UNRWA) verilən açıqlamada, 1 milyondan çox fələstinlinin Qəzza zolağının cənubunda təhlükəsiz bölgə olması lazım olan Rəfah şəhərindən köç etmək məcburiyyətində qaldığı bildirilib.
