İsrailin Qəzza sektorunda apardığı hərbi əməliyyatlar nəticəsində 1 700-dən çox tibb işçisi həlak olub.
"Operativ Məlumat Mərkəzi-OMM" xəbər verir ki, bu barədə Səhiyyə Nazirliyinin sözçüsü "Əl-Cəzirə" telekanalına açıqlamasında məlumat verib.
Sözçü bildirib ki, hərbi əməliyyatlar zamanı 38 xəstəxana artilleriya və ya hava hücumlarına məruz qalıb. Bundan əlavə, İsrail hakimiyyətinin Qəzzaya yanacaq tədarükünü dayandırması həm səhiyyə sektorunu, həm də bütün anklavı ciddi humanitar fəlakət riski ilə üz-üzə qoyur.
Avqustun 18-də yayılan məlumatlara görə, zolaqdakı xəstəxanaların əksəriyyəti döyüşlər səbəbindən zədələnib və fəaliyyətini dayandırıb; təxminən 40 xəstəxanadan yalnız 15-i qismən işləyir.
