Putinin X sosial şəbəkəsindəki müsahibəsini 80 milyondan çox insan izləyib

Rusiya prezidenti Vladimir Putinin amerikalı jurnalist Taker Karlsonla müsahibəsinin baxış sayı 80 milyonu keçib.

"Operativ Məlumat Mərkəzi-OMM" xəbər verir ki, bu X sosial şəbəkəsinin məlumatları ilə bağlıdır.

Daha əvvəl Putinin jurnalist Taker Karlsonla müsahibəsindən sonra ABŞ-ın X sosial şəbəkəsinin (keçmiş Twitter) cari trend siyahısında olduğu bildirilirdi. Sosial şəbəkədə dövlət başçısının adının çəkildiyi yazıların sayı 1,4 milyonu ötüb.

Eyni zamanda, Avropa Parlamenti Putinin Karlsonla müsahibəsini “qıcıqlandırıcı” hesab edib.