Afət Ziyadqızı
Rusiya Prezidenti Vladimir Putin Danimarkanın öz ərazilərini ABŞ-a satmaq təcrübəsinə malik olduğunu bildirib.
“Operativ Məlumat Mərkəzi-OMM”-in xəbərinə görə, Kremlin rəsmi saytında yer alan məlumata əsasən, Putin bu fikirləri Rusiya Təhlükəsizlik Şurasının daimi üzvləri ilə keçirdiyi iclas zamanı səsləndirib.
Dövlət başçısı qeyd edib ki, “Danimarka və ABŞ-nin bu məsələdə artıq öz təcrübələri var”.
Rusiya lideri 1917-ci ildə Danimarkanın Virgin adalarını ABŞ-yə satdığını xatırladıb. Qrenlandiya məsələsinə toxunan Putin vurğulayıb ki, Danimarka bu adaya uzun illər “müstəmləkə kimi” yanaşıb və münasibət “qəddar olmasa da, kifayət qədər sərt” olub.
Putin, eyni zamanda, ABŞ və Danimarkanın bu məsələdə sonda “işləri yoluna qoyacağına” ümid etdiyini bildirib.
