Afət Ziyadqızı
Müxalif Polşa prezidentliyinə namizəd Karol Navrocki bu gün Ukraynanı Avropa İttifaqının (Aİ) və NATO-nun üzvü kimi görmədiyini bildirib.
"Operativ Məlumat Mərkəzi-OMM" xəbər verir ki, onun sözlərini "Polsat" telekanalı sitat gətirib.
O, Varşava və Kiyev arasında Volındakı hadisələrlə bağlı mübahisəyə toxunaraq, "polyaklar üçün çox vacib olan sivilizasiya problemləri həll olunmayana qədər" Ukraynanı Avro-Atlantik strukturlarda görmədiyini vurğulayıb.
"120 min qonşusuna qarşı törədilən çox amansız cinayətin əvəzini ödəyə bilməyən dövlət beynəlxalq alyansların bir hissəsi ola bilməz", - Karol vurğulayıb.
Polşa prezidentliyinə namizəd qeyd edib ki, Ukrayna tərəfinin bu məsələ ilə bağlı bəyanatlarına inanmır.
