ABŞ-ın müdafiə naziri Pit Heqset bildirib ki, ABŞ gəmiqayırmada Çinə uduzur və sektordakı sistemli problemlər, sənaye bazası kiçilən və kifayət qədər istehsal gücü olmadığı üçün dənizdə öz üstünlüyünü itirir.
"Operativ Məlumat Mərkəzi-OMM" bu barədə "RİA Novosti"yə istinadən məlumat yayıb.
"Biz gəmiqayırma sahəsində Çinə uduzuruq - həm tutumuna, həm də gəmilərin sayına görə. Çinin gəmiqayırma qabiliyyəti Amerikanın gəmiqayırma imkanlarından 230 dəfə çoxdur".
Heqset əlavə edib ki, 2010-cu ildən bəri Çinin hərbi gəmilərinin təxminən 70 faizi, ABŞ isə yalnız 23 faizini suya salıb. Pentaqon rəhbəri bildirib ki, ABŞ-ın dəniz üstünlüyü onilliklər ərzində sənayesizləşmə və gəmiqayırma və təmir imkanlarının azalması səbəbindən "sürətlə azalır".
Heqset, ABŞ Hərbi Dəniz Qüvvələrinin donanma sayını 381 gəmiyə çatdırmaq məqsədinin olduğunu, lakin donanmanın hazırda "300-dən az" olduğunu və müharibə vəziyyətində "fəlakətli nəticələrə" səbəb olacağını söyləyib.
